Kryetari i Partisë Demokratike ishte sot në Kamzë nga ku ka bërë thirrjet e fundit për protestën e ditës së nesërme. Basha iu ka bërë thirrje të gjithë qytetarëve të Kamzë që të mbushin bulevardin “Dëshmorët e Kombit” nesër si një mesazh për qeverinë dhe kryeministrin Rama.
Sipas Bashës tashmë çdo gjë është futur në vijë dhe qeveria Rama është shumë pranë rënies. Ai shtoi se për të gjithë ata që po shkelin ligjin në këtë periudhë nuk do të ketë tolerim kur PD të vijë në pushtet.
“12 javë më parë, askush nuk mund ta imagjinonte se pas një gjumi të gjatë letargjik, edhe ndërkombëtarët do ta kuptonin e do t’i vinin veshin opozitës dhe protestës së saj. Sot pas 12 javësh ju them se gjysma e punës është kryer dhe ju them se Shqipëria do të ketë zgjedhje të ardhshme parlamentare. Në këto orë që flasim, të korruptuarit po vijojnë të zhytur me kokë të firmosin tenderat e fundit. Mesazhi im është: E di se e keni kuptuar se anija juaj po fundoset dhe po zbatoni sloganin të kap ca të kapësh. Por çdo firmë që lëshoni do të jetë objekt i drejtësisë, asnjë hap i hedhur nga parlamenti, pas djegies së mandateve të opozitës nuk do të njihet. Ju bëj thirrje të hapin sytë e të mos zbatojnë aktet e paligjshme të një parlamenti të paligjshëm. Ju kujtoj precedentin e Nurnbergut, ju sdo të mund të fshiheni dot pas justifikimit se ashtu është ligji, sepse ai është anti ligji”,
