Me kokën ulur/ U hoq si infermiere për ti marrë paratë vajzës së pacientes me virus, del në gjyq pastruesja e ‘Shefqet Ndroqit’

Ditën e sotme gjykata e Tiranës ka lënë në burg sanitaren e spitalit C OVID2, Tire Alldervishi.

Ajo akuzohet për mashtrim pas skandalit me një paciente të “Shefqet Ndroqit”, vajzës të së cilës arriti ti marrë 8 milionë lekë duke u hequr si infermiere, dhe më pas nuk është kujdesur për të derisa gruaja ka ndërruar jetë.

Ndërkohë Alldervishi ka dalë sot në sallën e gjyqit pa avokat.

E shoqëruar nga një efektive policie, ajo ka deklaruar se e ka lajmëruar avokatin, por nuk i di arsyet që ai nuk ka ardhur.

Me kokën ulur ajo ka pritur vendimin e gjykatës, e cila ka vendosur të lërë në burg 58-vjeçaren.