Duke filluar prej orës 18:00 të gjithë shqiptarët që kanë aplikuar për llotarinë Amerikane janë dyndur para kompjuterit për të parë rezultatet e Llotarisë Amerikane. Nuk ka ende të dhëna zyrtare lidhur me numrin e aplikantëve për këtë vit, por gjasat janë që të jetë shumë lartë.
Për ta besuar një gjë të tillë, mjafton të tentohet për të hyrë në faqen ku mund të shikohet rezultati i llotarisë dhe përfundimi është që faqja “ka rënë”. Një gjë e tillë vjen vetëm si rezultat i klikimeve të shumta dhe serveri nuk ka mundur dot ta përballojë një fluks të tillë.
Sipas ambasadës së Shteteve të Bashkuara të Amerikës në Tiranë, Kontrolli i Statusit të të Regjistruarve do të informojë pjesëmarrësit e përzgjedhur, për mënyrën se si do të aplikojnë për veten e tyre si dhe për anëtarët e tyre të familjes. Në fazën e dytë, qytetarët të cilët janë përzgjedhur do të mësojnë edhe datën e intervistës për vizë duke hyrë dhe lexuar tek Kontrolli i Statusit të të Regjistruarve.
Për të parë përgjigjen tuaj ju duhet të klikoni këtu.
