Berisha: Zgjedhje në 30 qershor nuk ka, bie qeveria ose shuhet opozita

Ish-kryeministri Sali Berisha ka lëshuar një deklaratë të fortë nga emisioni “360 Gradë” në RTV Ora, ku ishte i ftuar mbrëmjen e sotme. Berisha deklaroi se mosbindja civile ose do të përmbysë regjimin, ose opozita do të shuhet. Për ish-liderin demokrat nuk mund të ketë zgjedhje në 30 qershor dhe se Rama nuk do të jetë më kryeministër deri më 30 prill.

“Marrëveshje të dytë me Ramën nuk besoj se mund të bëjë njeri me Ramën. Ose mosbindja do ta përmbysë këtë regjim, ose opozita do të shkojë drejt shuarjes së saj.”

Arion Sulo: “30 qershori se si po shkojnë punët duket që nuk do të ketë negociatë. Ndërkombëtarët nuk do të jenë. Edhe sot Soreca tha kjo është një punë shqiptare. Edhe amerikanët nëpërmjet zotit Palmer. Tani elektorati i PS-së do shkojë të votoj dhe i PD-së jo. Cila do jetë përplasja”?

Sali Berisha: “Kjo besoj se jo 30 qershori, por edhe 30 maji më duket një datë e largët për Ramën si kryeministër. Duhet të rrëzohet një orë e më parë. Kjo nuk mund të lidhet me një datë, por duhet të vijë një orë e më parë. Zgjedhje nuk mund të ketë në 30 qershor.”