LIGJET E BIZNESIT
Kuzhinieri i njohur Arvin Kita, i cili është njëkohësisht dhe pronar i një restoranti në Tiranë ka reaguar ashpër pas vendimit për kufizimin e orareve të lëvizjes pas 20:30.
Për pasojë në këtë orë duhet të mbyllen dhe lokalet, baret dhe restorantet.
Por mesa duket ky vendim nuk u ka pëlqyer aspak pronarëve të lokaleve, të cilët detyrimisht do të kenë më pak të ardhura.
Me anë të një reagimi në rrjetet sociale, Arvin Kita është shprehur se do të ishte më e saktë sikur të bënin kontrolle pë rata që shkelin rregullat, sesa të “ulin qepenin” për të gjithë.
Sipas tij, pronarët e lokaleve paguajnë çdo detyrim ndaj shtetit pa asnjë tolerim dhe po punësojnë njerëz.
REAGIMI I PLOTE I KUZHINIERIT ARVIN KITA
Po Zonja Ministre, Po!
Si te thoni dhe te urdheroni! Ne oren 20:30 te mbyllemi?! Si ta keni Ju per mbare e per mire!
Rrofte Keshilli i Eksperteve dhe masat shtrenguese qe parandalojne perhapjen e Covid, i cili u perhapka pas ores 20:30….
Nuk do ishte me e sakte te ushtronit kontrolle aty ku mund te shkelen rregullat, se sa te na “ulni qepenin” per te gjithe Ne qe jemi aorta kryesore e ekonomise te vendit. Jemi Ne qe kemi tendosur nervat dhe po shtrengojme rripin per muaj e muaj…
Jemi Ne qe po paguajme kokerr me kokerr cdo detyrim ndaj Shtetit, pa asnje tolerance. Jemi Ne qe po punesojme dhe po aftesojme njerez qe me kete pune mbajne Familjet dhe iu shmangen veseve.
Por jemi Ne, qe si grup interesi nuk u ftuam kurre as nga Ju Zonja Ministre, as nga Keshilli i Eksperteve.
Ne nuk lypim dicka dhe tani e duam Shtetin ne arken e te cilit kemi dhene e jemi kontribues te mirfillte!
Sepse jemi edhe Ne nder ta qe i japim vlere e nderojme Ate Flamur qe keni Ju ngjitur ne foto!
