“Policët ishin të droguar atë natë” Deputeti trondit me deklaratën në Kuvend pas ekzekutimit të Klodian Rashës

Deputeti Kujtim Gjuzi gjatë seancës së sotme parlamentare ka komentuar dhe vrasjen e të riut Klodian Rasha nga efektivi i policisë Nevaldo Hajdaraj.

Ky i fundit sipas tij ka qenë nën efektin e drogës, në momentin që ka kryer aktin e rëndë.

Gjithashtu Gjuzi shtoi se kryeministri Edi Rama i ka bërë presion familjes së të ndjerit duke shkruar dy herë brenda 72 orëve, por ata kanë treguar krenari dhe kanë qendruar të palëkundur në pozicionin e tyre për të kërkuar drejtësi.

“Të lutem zoti sekretar i PS, mos të futemi në konflikt bashkë Taulant, jam dhëndër në Shkodër unë, e di ti, kaq, besoj se të mjafton kaq sa po të them, mos të nxjerr ndonjë emër që ke lidhje atje. Ju keni një juntë ushtarake, me 13 gjeneralë, nuk mund ta lejoj unë kryeministrin që të bëjë presion dhe të shkojë në shtëpinë e familjes Rasha dy herë brenda 72 orëve. E gjithë skuadra e punonjësve të Policisë ka qenë e dròguar atë natë kur ka ndodhur ngjarja“, u shpreh Gjuzi në Kuvend.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern