E rëndë/ Shpërthen bombola e gazit në një banesë, dërgohet në spital pronari i plagosur

Një ngjarje e rëndë ka ndodhur orët e para të mëngjesit të sotëm në Durrës.

Mësohet se një bombol gazi ka shpërthyer në një banesë në lagjen nr.13 të qytetit, ku për pasojë është plagosur 75-vjeçari Feta Baroti.

Nga informacionet e para mësohet se është rrëzuar tarraca e kuzhinës ku banonte i moshuari dhe ka shpërthyer bombolën e gazit.

Për fat të mirë ai ka arritur të shpëtojë vetëm me disa lëndime, pasi zjarrëfikësit kanë ndërhyrë duke e ndihmuar për ta nxjerrë jashtë.

Ndërkohë po punohet për zbardhjen e plotë të shkaqeve dhe rrethanave të ngjarjes.

NJOFTIMI ZYRTAR I POLICISE

Durrës/Informacion paraprak

Më datë 17.12.2020, në orën 06:45, në lagjen nr.13, Durrës, si pasojë e rrjedhjes së bombulës së gazit ka rënë zjarr në banesën e shtetasit F. B., 75 vjeç, i cili ka pësuar dëmtime të lehta dhe ndodhet në spital nën kujdesin e mjekëve, jashtë rrezikut për jetën.

Shërbimet e Policisë dhe të zjarrfikësve kanë dhënë ndihmën e parë ndërsa grupi hetimor ndodhet në vendngjarje dhe po punon për zbardhjen e ngjarjes.