Aksident në Durrës/ Dy shoferet femra përplasen ‘kokë më kokë’, njëra përfundon në spital

Një aksident automobilistik ka ndodhur paraditen e sotme në Durrës.

Mësohet se në të janë përfshirë dy makina, një Toyota Yaris me targa “AA 198 YJ” që e drejtonte një vajzë dhe një mjet tjetër tip Mercedes Benz B-Class, i cili gjithashtu drejtohej nga një shofere femër.

Ngjarja ndodhi rreth një orë më parë te rrethrrotullimi në hyrje të Shkozetit, pranë Urës së Dajlanit.

Nga përplasja e fortë, mjeti tip Toyota ka dalë nga rruga dhe është përplasur me disa tabela të sinjalistikës rrugore.

Drejtuesja e këtij mjeti ka marrë lëndime dhe është dërguar me urgjencë në spitalin e qytetit.

Policia ka mbërritur në vendin e ngjarjes dhe ka nisur puna për zbardhjen e shkaqeve të aksidentit dhe lirimin e trafikut