Heqja e tabelave greqisht dhe shqip, reagon Ministri i Jashtëm grek

Ministri i Jashtëm i Greqisë, Jorgos Katrugalos në një intervistë të dhënë sot për mediat komentoi edhe ecurinë e marrëdhënieve diplomatike me Shqipërinë.  Katrugalos theksoi se për çështjet e hapura me Shqipërinë kryesia politike është në kontakt të vazhdueshëm me qeverinë shqiptare, përmes përfaqësisë diplomatike greke në Tiranë.

“Kemi angazhim të plotë, kemi dhënë premtime për minoritetin grek në Shqipëri. Vihet re një vonesë, por njëkohësisht kemi mundësinë të ushtrojmë kontroll pasi në qershor diskutohet ecuria e integrimit të Shqipërisë. Kuptohet që ky integrim kalon përmes respektimit të minoritetit dhe marrëdhënieve të fqinjësisë së mirë me një vend anëtar të BE-së” shtoi duke qartësuar indirekt qëndrimin e palës greke, ministri i Jashtëm Jorgos Katrugalos.

Referuar në debatit të çelur së fundi me heqjen e tabelave dygjuheshe ne jug, Katragulos theksoi se kemi një përgjigje nga pala shqiptare, se tabelat u hoqën për të ndryshuar radhën, njëherë shqip pastaj greqisht. “Mbetet të shohim si do veprohet”- shtoi ai.

Gjithashtu ministri i jashtëm shtoi se as çështja e pronave të minoritarëve nuk është mbyllur plotësisht. “Pala greke është në pritje, por në çdo rast, do të ndiqet e drejta ndërkombëtare.” ka theksuar ai.

Balkanweb