Hiqen tabelat rrugore në greqisht

Autoriteti Rrugor Shqiptar ka hequr tabelat rrugore në gjuhën greke, të vendosura në rrugën kombëtare Qafë Muzinë – Sarandë – Konispol. ARRSH në bashkëpunim me Policinë e Shtetit ka realizuar heqjen e 35 tabelave,  duke shpjeguar se ato nuk plotësonin kushtet e përcaktuara në kodin rrugor, për mbrojtjen e sigurisë rrugore të përdoruesve të rrugës, ku shumica prej tyre pengonte shikueshmërinë e tabelave rrugore paralajmëruese në këtë aks.

Gjithashtu, u konstatua se këto tabela sinjalizuese nuk plotësonin specifikimet teknike të përcaktuara në legjislacionin në fuqi për sa i përket renditjes së emërtimeve në gjuhën shqipe dhe atë minoritare, ngjyrës dhe madhësisë së shkrimit të përdorur.

Si rrjedhojë, duke e konsideruar vendosjen e  këtyre tabelave në shkelje të procedurave ligjore, Autoriteti Rrugor Shqiptar, në bashkëpunim me Policinë e Shtetit, si dhe Policinë Gjyqësore, kanë ndërmarrë masat për heqjen e këtyre tabelave, duke eliminuar nga rruga 35 tabela sinjalizuese, të cilat ulnin sigurinë rrugore të mjeteve dhe përdoruesve të rrugës.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern