Sherr me thika në Velipojë, i plagosuri dërgohet në spital

Nga një sherr i nisur për motive banale ka mbetur një i ri i plagosur në qytetin e Velipojës. Mësohet se ngjarja ka ndodhur në zonën e plazhit të Velipojës, teksa nuk qartësohet ende numri i personave të përfshirë në këtë ngjarje.

Siç bën të ditur “Balkanweb” prej sherrit njëri nga të rinjtë ka marrë plagë të rënda dhe është dërguar me urgjencë në spitalin e Shkodrës.  Sakaq policia ka mbërritur në vendin e ngjarjes dhe është duke punuar për të zbuluar shkaqet dhe autorët e kësaj përplasje me armë të ftohta.