Çfarë po ndodh? Shqiptarët e Kosovës dynden drejt vendit tonë

Shqiptarët e Kosovës kanë treguar se janë besnik ndaj Shqipërisë dhe klimës e natyrës që ofron vendi ynë.

Për të shfrytëzuar kohën fundjavë me kushtet të mira atmosferike, shumë qytetarë të Kosovës janë nisur drejt vednit tonë mëngjesin e sotëm, duke shkaktuar dhe fluks të madh mjetesh në doganën e Morinës.

Sipas policisë kufitare të Morinës deri në orën 9 të mëngjesit kaluan rreth 1700 automjete dhe rreth 4700 qytetarë të Kosovës drejt Shqipërisë. Për të shmangur radhën dhe orët e pritje, pala shqiptare po punon me 4 sportele.

Një tjetër faktor që i ka shtyrë kosovarët t’i drejtohen vendit tonë janë dhe masat për Covid-19, të cilat në Shqipëri nuk janë aq të ashpra sa në Kosovë.