Pas ultimatumit të Yuri Kim/ Ish-kryeprokurori Adriatik Llalla merr goditjen e fortë, ja çfarë vendosi gjykata

Ditën e sotme gjykata ka vendosur të sekuestrojë pasuritë e ish-kryeprokurorit Adriatik Llalla.

Ky vendim i fortë vjen një ditë pas kërkesës së SPAK, i cili ka deklaruar se sekuestrimi është masë parandaluese autonome nga procesi penal që është duke u zhvilluar ndaj Llallës.

Pasuritë e sekuestruara:

Apartament banimi, me sipërfaqe 67.2 m², ndodhur në Durrës;

Tokë arë, me sipërfaqe 4.500 m², ndodhur në Tiranë;

Tokë arë, me sipërfaqe 12.300 m², ndodhur në Tiranë;

Tokë arë, me sipërfaqe 3000 m², ndodhur në Tiranë;

Tokë arë, me sipërfaqe 2250 m², ndodhur në Tiranë.

Aktualisht Llalla po gjykohet vetëm për mosdeklarim të të ardhurave. Nëse shpallet fajtor, Llalla rrezikon nga dënimi me gjobë, deri në tre vite burg.

Më herët ky proces është mbështetur dhe nga ambasadorja e SHBA në vendin tonë Yuri Kim.

Sipas saj ky është një sinjal që SPAK po ecën përpara.

“SPAK po jep rezultate, duke përdorur Ligjin Antimafia për të luftuar korrupsionin. SHBA vazhdon të mbështesë fuqimisht zbatimin e Reformës në Drejtësi, siç kërkohet nga populli shqiptar dhe në përputhje me statusin e Shqipërisë si Aleate e NATO-s dhe aspirante e BE-së”, shkruante numri një i diplomacisë amerikane në vendin tonë, Yuri Kim.