Pas largimit nga “Portokallia”, regjisori Altin Basha merr postin e rëndësishëm

Pak kohë më parë regjisori i njohur Altin Basha dha dorëheqjen nga spektakli i humorit “Portokalli”.

Ky largim shkaktoi  shumë bujë, pasi e mbante këtë detyrë prej shumë vitesh.

Ndërkohë mësohet se Basha është caktuar në një tjetër post të rëndësishëm.

Ai do të jetë drejtori i Teatrit Kombëtar Eksperimental “Kujtim Spahivogli”.

Sipas informacioneve drejtori i mëparshëm Kiço Londo është liruar sot nga detyra me vendim të Këshillit të Ministrave, firmosur nga zv.kryeministri Erion Braçe.

Vendimi i Këshillit të Ministrave

PËR LIRIMIN DHE EMËRIMIN NË DETYRË TË DREJTORIT TË TEATRIT KOMBËTAR EKSPERIMENTAL “KUJTIM SPAHIVOGLI”

Në mbështetje pikës 2, të nenit 100, të Kushtetutës, dhe të pikës 3, të nenit 9, të ligjit nr. 10352, datë 18.11.2010, “Për artin dhe kulturën”, të ndryshuar, me propozimin e ministrit të Kulturës,

Këshilli i Ministrave

VENDOSI:

1. Z. Kiço Londo, drejtor i Teatrit Kombëtar Eksperimental “Kujtim Spahivogli”, lirohet nga kjo detyrë.
2. Z. Altin Basha emërohet drejtor i Teatrit Kombëtar Eksperimental “Kujtim Spahivogli”.

Ky vendim hyn në fuqi menjëherë.

ZËVENDËSKRYEMINISTËR

Erion Braçe