Një lajm i hidhur vjen në rradhët e Partisë Socialiste.
Ish-deputeti Marko Bello ka ndërruar jetë në moshën 59-vjeçare në Turqi, aty ku po kurohej për C.OVID19.
Lajmin e trishtë e ka konfirmuar dhe socialisti Namik Dokle, i cili i ka dedikuar një mesazh të ndjerë mikut të tij që është ndarë nga jeta në mesnatë.
“Sa i trishte! Sa i pabesueshem ky lajm i mesnates per vdekjen e mikut, kolegut, Marko Bello. Pa i mbushur ende te gjashtedhjetat, na e mori covidcolera! C’behet keshtu? Po na behet fejsbuku varreze!!! Lamtumire, i dashur Marko! Nuk do ta harroj kurre buzeqeshjen tende te pandare, shakane tende mbushur me miresi…”, shkruan Dokle.
Marko Bello ka qenë deputet i Kuvendit të Shqipërisë për tre mandate, nga viti 2001-2013. Gjatë kësaj periudhe ka mbajtur postin e ministrit për Integrimin Evropian dhe ministër Shteti për Koordinimin Qeveritar.
Ndërkohë, në periudhën 1997-2000, Marko Bello ka shërbyer si ambasador i Shqipërisë në Rumani dhe më pas zv/ministër i Mbrojtjes.
