Fituesja e Miss Uruguait Fatimih Davila është gjendur e pajetë në një hotel në Meksiko City ditën e enjte.
Policia e qytetit bëri me dije se një grua nga Uruguai është gjetur e varur në banjon e një dhome hoteli. Autoritetet konfirmuan se viktima është Fatimih Davila Sosa, e cila fitoi garën e konkursit për Miss Uruguai në vitin 2006.
Që atëherë ajo filloi të punonte si modele. Bukuroshja uruguaianë ndodhej në Meksikë për një intervistë pune në datë 23 prill.
Ende nuk është zbuluar shkaku kryesor i vdekjes. Autoritetet zyrtare policore po investigojnë nëse viktima ka vrarë veten apo është varur nga tjetër kush.
Burimi: New York Post
