LIGJET E BIZNESIT
Vijojnë të dalin detaje nga plagosja e 43-vjeçarit Hilë Gjini dy ditë më parë në Lezhë.
Kujtojmë se ai u qëllua me armë zjarri në momentin që kishte dalë nga shtëpia për të shoqëruar fëmijët në shkollë.
Por sipas informacioneve, ka qenë bashkëshortja e të plagosurit që e ka ndaluar autorin Gjergj Gjini që të vijonte me të shtënat ndaj burrit të saj.
Menjëherë sapo 69-vjeçari ka nxjerrë armën, gruaja ka dalë nga dera e pasme e mjetit dhe ka nisur të përleshet me autorin, i cili është njëkohësisht dhe bashkëfshatari i tyre.
Fillimisht ajo është munduar ti ulë dorën dhe më pas ka arritur të rrëmbejë armën me të cilën po qëllonte.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Si pasojë e përleshjes, asaj i kanë ngelur disa shenja në dorë. Hile Gjini ndodhet i plagosur në spitalin e Lezhës dhe po merr mjekimin e nevojshëm.
Ai ka mohuar që të ketë konflikt me autorin e ngjarjes, ndërkohë që Gjergj Gjini ka thënë se i kishte helmuar delet 15 vite më parë.
Policia po vijon hetimet për ngjarjen, por deri tani i plagosuri dhe autori kanë deklaruar se sherri ka nisur për një rrip toke kullote.
