Sic pritej, opozita e bashkuar ka nisur sot përshkallëzimin e protestave duke bllokuar kështu akset kryesore në 12 qarqe të vendit.
Nga Elbasani, kryetari i Partisë Demokratike Lulzim Basha dhe ish-deputetët e opozitës kanë nisur marshimin për të bllokuar rrethrrotullimin e Bradasheshit.
Basha ka shkruar nëpërmjet një statusi se kjo betejë e nisur është pa kthim dhe se ardhmja e shqiptarëve është Europa.
Beteja që ka nisur është pa kthim. Historia do tregojë se kjo betejë do të përfundojë me shporrjen e qeverisë së krimit dhe triumfin e vlerave europiane. E ardhmja e shqiptarëve është Europa! #ShqiperiaSiEuropa”, shkruan Basha në faqen e tij në Facebook.
