Aksident i rëndë/ Furgoni përplaset me motoçikletën, në gjendje të rëndë drejtuesi (EMRI)

Një aksident i rëndë automobilistik ka ndodhur sot në mbrëmje ne Fushë-Krujë.

Mësohet se në afërsi të fshatit Mazhe një furgon është përplasur me një motoçikletë.

Për pasojë, drejtuesi i kësaj të fundit, Besnik Masha është plagosur rëndë dhe më pas është transportuar për në Spitalin e Traumës në Tiranë.

Ndërkohë sipas informacioneve drejtuesi i furgonit është ndaluar nga policia.

Grupi hetimor ka mbërritur në vendngjarje dhe po zbardh më tej shkaqet e aksidentit.