LIGJET E BIZNESIT
Ministri i Shtetit për Rindërtimin Arben Ahmetaj ka komentuar projektet që po zbatohen në zonat e prekura nga tërmeti i 26 nëntorit që goditi Shqipërinë vitin e kaluar.
Ai deklaroi se rreth 1000 shtëpi individuale do të jenë gati në fund të dhjetorit, që do të thotë se njëmijë familje do ti kalojnë festat e fundvitit në banesë të re dhe të rikonstruktuar.
“Referuar shifrave, të gjitha lotet e njësive individuale janë prokuruar dhe janë në proces ndërtimi. Deri në fund të dhjetorit ne do të kemi gati 400 banesat e para në Bashkinë Shijak, mbi 300 të tilla do të jenë gati në Bashkinë Tiranë, ndërsa mbi 250 të banesa të tjera në Durrës”, tha Ahmetaj.
Ministri ka thënë që Shqipëria është e vetmja në botë që jep shtëpi falas për qytetarët e dëmtuar nga tërmeti, pasi shtete e tjera vetëm japin kredi pa interes.
“E them pa asnjë drojtje që është totalisht program social unik. Shumë vende të zhvilluara nuk arrijnë dot dhe në filozofitë e tyre nuk e kanë pranuar të japin shtëpi falas. U japin banorëve të dëmtuar nga tërmetet e tyre, si Italia, u japin kredi të buta. Imagjinoje për një sekondë që ne të dilnim dhe të kishim thënë: Të nderuar qytetarë, ne nuk do t’u japim shtëpi, ju do vini të merrni kredi, interesin do ua mbulojmë ne. Do ishte mjerim. Jam i bindur se është programi më social që një qeveri e majtë do ndërmerrte dhe nuk do arrinte dot ta ndërmerrte asnjë qeveri”, u shpreh Ahmetaj për “Vizion Plus”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
