“Ja çfarë dua të shkruhet në varrin tim” Amaneti i legjendës Maradona 15 vite më parë

Bota e futbollit u trondit një ditë më parë, teksa legjenda e futbollit Diego Armando Maradona u nda nga jeta.

Ndërkohë në një intervistë të dhënë 15 vite më parë ai ka lënë dhe mesazhin që dëshironte të shkruhej mbi varrin e tij.

I ftuar në programin “La Noche del 10” Maradona ka lënë një amanet që është kthyer në vëmendje nga mediat vetëm pak orë pas vdekjes së tij.

Maradona: Të plakesh me nipërit e mbesat e mi do të nënkuptojë tashmë një vdekje të qetë.

Gazetari: Nëse do të duhej t’i thuash disa fjalë Maradonës në varreza, çfarë do t’i thuash?
Maradona: Haha, çfarë do të them?
Gazetari: Ju e sollët atë temë. Unë nuk fola për vdekjen, ishe ti.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Maradona: Faleminderit që kam luajtur futboll sepse ishte sporti që më ka dhënë më shumë hare se çdo gjë tjetër. Të luaja futboll për mua ishte si të prekja qiellin me dorë. Dhe tani që e mendoj, në gurin e varrit tim do të doja që të shkruhej: ‘Faleminderit topit”.

Gazetari: Dhe çfarë do të dëshiroje ti shprehje Claudia-s, (bashkëshortes) në atë lamtumirë?

Maradona: Edhe nëse ke vdekur, unë prapë do të dua.