Tjetër masakër në burgjet greke, vritet me thikë i riu shqiptar

Një 29 vjecar shqiptar është ekzekutuar me thikë në burgun e Trikallasë në Greqi.

Sipas mediave greke i riu ka marrë goditje në kokë dhe në këmbë.

Pas plagosjes ai është dërguar menjeherë në spital por nuk ka mundur ti mbijetojë plagëve të marra dhe si për pasojë ka ndërruar jetë. Ende nuk janë mësuar shkaqet apo ekzekutori, ndërkohë që identiteti i viktimës nuk bëhet i ditur.

Kujtojmë se ky nuk është krimi i vetëm ndaj një shqiptari në një kohë të shkurtër. Në burgjet greke kanë humbur jetën dhe dy shqiptarë të tjerë, Arbër Bako në 14 janar si dhe Bandiol Tusha më 27 janar në Koridhalos.