Moti i keq në Durrës, pezullohet veprimtaria në port

Në portin e Durrësit është pezulluar veprimtaria përpunuese dhe lundruese, për shkak të përkeqësimit të kushteve atmosferike qytetin bregdetar.

Forca e detit që ka arritur deri në 7 ballë, ka penguar lundrimin e anijeve të tonazhit të ulët dhe të mesëm.

Prej mbrëmjes së kaluar peshkarexhat nuk janë lejuar të dalin në det, ndërsa që prej mesditës, anijet tregtare kanë pezulluar lundrimin deri në përmirësim të motit.

Anijet e peshkimit kanë pezulluar lundrimet, ndërsa elektrovinçat dhe vinçat me goma në terminalet e mallrave të përgjithshme dhe kontenierëve janë vënë në kushte sigurie, deri në përmirësimin e motit.