LIGJET E BIZNESIT
Aleatët opozitarë kanë përfunduar takimin me kreun e shtetit, Ilir Meta. Detajet e takimit i tregoi për mediat kryetari i Partisë Republikane, Fatmir Mediu. Ai deklaroi se Meta vlerësoi propozimin me 12 pika të bërë nga këto parti për zgjidhjen e krizës politike në vend.
“Presidenti pritet të ndërmarrë konsulta me të gjitha palët e partive në vend”, u shpreh Mediu.
Për takimin reagoi edhe Presidenca, ku në një deklaratë për mediat, shprehu shqetësimin se mosregjistrimi i të gjitha partive opozitare të legjislaturës së fundit parlamentare rrezikon jo vetëm standardet e zgjedhjeve, por edhe pluralizmin politik në vend.
“Kreu i Shtetit theksoi se më herët kishte paralajmëruar domosdoshmërinë e vendosjes urgjente të dialogut për shmangien e përshkallëzimit të konfliktit. Presidenti Meta nënvizoi se ka bërë çdo përpjekje për të nxitur zbatimin e reformës në drejtësi brenda afateve dhe parimeve kushtetuese që do të garantonin kontrollin e balancën e sistemit në një shtet funksional të së drejtës.
Nëse kjo do të kishte ndodhur, kriza aktuale politike nuk do të kishte marrë këto përmasa”, thuhet në deklaratën për mediat.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Presidenti Meta thekson se nuk është asnjëherë vonë për të reflektuar dhe për të gjetur zgjidhje që do të rivendosnin normalitetin kushtetues, institucional dhe demokratik të vendit. Presidenti Meta nxit dialogun dhe zërat e arsyeshëm, për dekurajimin e përshkallëzimit të mëtejshëm të krizës.
Kreu i Shtetit do të vazhdojë kontributin e Tij, me të gjitha format e mundësitë për të kërkuar reflektimin e të gjithëve, me qëllim garantimin, jo vetëm të bashkëjetesës demokratike, por edhe ecurinë e suksesshme dhe të besueshme të reformave të lidhura me integrimin europian”, theksohet më tej në deklaratën e Presidencës.
