Mesazhi i Merkel: Zhvillimi i Ballkanit në interes të Bashkimit Europian

Bashkimi Europian është shumë i përkushtuar për perspektivën europiane të vendeve të Ballkanit perëndimor. Ky është mesazhi që dha në në konferencën për shtyp Kancelarja gjermane, Merkel, ku përpara mediave doli së bashku me Presidentin francez, Emmanuel Macron.

“Duhet të shohim situata e ndryshme në vende të ndryshme dhe të shohim ku duhet një ndërhyrje e veçantë”, tha Merkel. “Gjermania dhe Franca kanë përgjegjësi për këtë zhvillim. Është në interesin e përbashkët të BE që zhvillimi i rajonit të jetë pozitiv”, shtoi ajo.

Merkel ritheksoi rëndësinë që Kosova dhe Serbia të arrijnë sa më shpejt një marrëveshje. “I gjithë rajoni mund të integrohet si i tërë”, u shpreh ajo.

Të hënën samiti do të përqendrohet te diskutimet mbi rikthimin e normalizimit të procesit të dialogut mes Kosovës dhe Serbisë, të ngecura prej disa muajsh tashmë, ndërsa ndërmjetësimi i Komisionit Europian nuk ka dhënë rezultate deri tani.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern