“Ofertë e re për turistët” Rama e nis ditën me lajmin e mirë, ja pamjet që publikon kryeministri

Mëngjesin e sotëm kryeministri Edi Rama ka publikuar pamje nga kantieri i rrugës që do të lidhë Tepelenën me Himarën.

Rama shkruan në rrjetet sociale se aksi nga Gusmari në Kuç do të sjellë një ofertë të re për turistët dhe një perspektivë të re për zonën përreth.

“MIRËMËNGJES dhe me kantierin e rrugës së re turistike, prej shumë dekadash e shumëpritur, nga Gusmari në Kuç që së shpejti do të lidhë Tepelenën me Himarën, duke krijuar një ofertë të re për turistët e njëkohësisht një perspektivë të re për zonën e mrekullueshme malore mes këtyre dy pikave, ju uroj një javë të mbarë,” shkruan Rama.