E rëndë/ Përleshje me thika në periferi të Tiranës, plagoset 20-vjeçari (EMRI)

Një tjetër ngjarje e rëndë ka ndodhur gjatë natës në periferi të Tiranës, konkretisht në zonën e Kamzës.

Mësohet se si pasojë e një sherri me thika mes dy të rinjve, është plagosur njëri prej tyre.

Sipas informacioneve i plagosuri është 20-vjeçari Erisjon Mema.

Ndërkohë policia ka shpallur në kërkim 19-vjeçarin Arbër Tafhasi.

Pas një konflikti banal që ka pasur me Erisjon Memën, Tafhasi i ka zënë pritë atij pranë shtëpisë dhe e ka qëlluar disa herë me thikë duke i shkaktuar plagë të rënda.

Sipas mjekëve, i plagosuri është jashtë rrezikut për jetën por ka plagë të shumta.

Menjëherë pas sherrit, Arbër Tafhasi është larguar nga vendngjarja.