“Unë i fitova zgjedhjet” Këmbëngul Donald Trump, del me deklaratën e fortë: Mora 71 milion vota të ligjshme

Kandidati demokrat në zgjedhjet e SHBA Joe Biden ka dalë fitues përballë republikanit Donald Trump.

Por ky i fundit vijon ende të mos pranojë rezultatet, duke akuzuar për mashtrime elektorale dhe vjedhje votash gjatë procesit të zgjedhjeve.

Trump shkruan në Twitter se mbikëqyrësit e zgjedhjeve nuk janë lejuar në dhomat e numërimit.

‘Unë fitova zgjedhjet, mora 71 milionë vota të ligjshme’ deklaron Trump.

Ai pretendon se ka patur parregullsi gjatë procesit dhe për këtë arsye nuk janë lejuar mbikëqyrësit e Partisë Republikane.

Gjithashtu Trump thekson se miliona qytetarë kanë marrë aplikimin për votat me postë ndërkohë që kjo gjë nuk është kërkuar prej tyre.

Presidenti nuk e ka pranuar rezultatin e zgjedhjeve dhe ka hedhur hije të forta dyshimi mbi votat e dërguara me postë, ndërsa stafi i tij elektoral ka deklaruar se do e luftojë rezultatin e zgjedhjeve në gjykatë.