Në pikat e kalimit kufitar të Shqipërisë me Greqinë po vihet re një ritëm i lartë i lëvizjes së emigrantëve shqiptarë për Festën e Pashkëve Ortodokse. Sipas burimeve policore shqiptare vetëm në 24 orët e fundit hynë në territorin shqiptar, kanë hyrë nga Greqia rreth 7338 persona.
Ndërkohë i lartë raportohet të jetë edhe numri i qytetarëve që kanë udhëtuar drejt Greqisë. Sipas burimeve te policisë kufitare, të paktën 4782 qytetarë kanë dalë nga territori ynë në 24 orët e fundit. Situata në dogane është e qetë dhe nuk raportohen rradhë apo edhe vonesa.
Punohet me shtatë sportele për të përballuar fluksin, të cilët alternohen në varësi te ngarkesës së punës. Emigrantët e kthyer pohojnë në kufi se e ruajnë këtë traditë për t’i kaluar në atdhe Pashkët duke pëprfituar edhe nga pushimet afatgjata në Greqi dhe dhuratat për festën.
