“Ikën me thesin plot me lekë” Hajdari i kundërvihet Ramës publikisht: Lëri lojërat me bukën e fëmijëve

Deputetja e opozitës së re Rudina Hajdari ka bërë një replikë me kryeministrin Rama në rrjetet sociale.

Kjo erdhi si pasojë e thirrjeve që ka lëshuar kreu i qeverisë në drejtim të grave naftëtare të Ballshit që të ndërpresin grevën.

Ndërkohë Hajdari i kërkon Ramës që të lërë lojërat politike dhe të miratojë vendimin për pagat e prapambetura të punonjësve.

“Kallëzo përgjegjësit”, i shkruan Hajdari ndër të tjera Ramës në Twitter.

Replika e plotë:

Rudina Hajdari: Je i vetmi KM në botë që do të negociosh pagën e mohuar nga ata që ti i shite si investitorë seriozë e që ikën me thesin plot me lekët e naftës dhe pagat e punonjësve. Mirato VKM sot për pagat, e kallzo përgjegjësit, leri lojrat politike me bukën e fëmijëve.

Edi Rama: Të dashura motra greviste të Ballshit! Askush nuk ju kërkon të dorëzoheni, qeveria nuk është armiku po aleati juaj dhe askush nuk ju ofron lëmoshë, ne jemi gati të qajmë hallin tuaj së bashku! E vetmja pengesë mes nesh është greva juaj. Mbyllni grevën dhe unë do jem aty menjëherë!