200 ditë pa asnjë rast të ri/ Ky është shteti shembull në luftën ndaj pandemisë, bilanci shumë pozitiv

Në kohën që pandemia COVID19 ka pushtuar botën, me shifra të larta të të infektuarve që rriten dita-ditës, duket se ka dhe shtete që po e përballojnë situatën me sukses.

Një prej tyre është Tajvani, i cili sipas Reuters ka festuar sot pasi janë shënuar plot 200 ditë pa asnjë rast të vetëm me koronavirus.

Edhe pse afër Kines dhe me volum të lartë udhëtimesh dhe tregtie, ky shtet ka regjistruar vetëm 550 raste dhe shtatë vdekje deri më tani për këtë vit.

Ndërsa që nga janari nuk ka parë më shumë se 30 raste ditore dhe shumica prej tyre kanë ardhur nga jashtë.

Ekspertët vlerësojnë reagimin shumë të hershëm të Tajvanit si një nga faktorët kryesore për shembullin pozitiv që i ka dhënë botës me luftën ndaj virusit.