Krahas protestës së lajmëruar pasditen e sotme në orën 18:00, të rinjtë e forumeve rinore të PD dhe LSI-së kane nisur një tubim simbolik para godinës së Parlamentit.
Të rinjtë vendosën përpara Parlamentit 200 palë këpucë me flamuj të vendeve të BE-së, ku kanë emigruar të rinjtë shqiptarë, duke ikur nga varfëria dhe pasiguria e krijuar në vend.
Të rinjtë mbajnë në duar parrulla “Ti Shqiperi s’me jep nder, me jep emrin mergimtar”.
Simbolika e këpucës tregon edhe shtypjen që kjo qeveri i ka bërë të rinjve duke i vrarë shpresën, duke mos i ofruar mundësi punësimi, arsim cilësor dhe duke mos i garantuar një të ardhme të sigurtë në vendin e tyre.
