Ja kur do të publikohen përgjigjet e Llotarisë Amerikane

Ditën e sotme ambasada amerikane ka bërë të ditur datën se kur bëhen publike përgjigjet e Lotarisë Amerikane.

Sipas ambasadës së SHBA-së, aplikantët mund të kontrollojnë nëse janë të përzgjedhur në datën 7 maj.

“Duke filluar nga 7 maji 2019, për të parë nëse janë përzgjedhur, të regjistruarit e DV-2020 do të mund të përdorin numrin e tyre unik të konfirmimit të dhënë në regjistrim duke kontrolluar online Kontrollin e Statusit të të Regjistruarve në faqen zyrtare të E-DV-së.

Kontrolli i Statusit të të Regjistruarve do të informojë pjesëmarrësit e përzgjedhur se si të aplikojnë për vizën e Lotarisë për veten e tyre dhe anëtarët e familjes së tyre.

Të përzgjedhurit do të mund të mësojnë datën e tyre të intervistës për vizë duke hyrë tek Kontrolli i Statusit të të Regjistruarve”, thuhet në njoftimin e Ambasadës të Shteteve të Bashkuara të Amerikës.