‘Rinasi’/ Pendohet Bengasi, tregon emrat e grabitësve

Është lënë me masën e sigurisë “arrest me burg” Alkond Bengasi, një prej të arrestuarve në Elbasan që dyshohen se kanë ndihmuar grabitësit e Rinasit për të modifikuar furgonin me të cilin arritën të futeshin brenda aeroportit.

Por Bengasi u bë edhe i penduari i parë i drejtësisë, ndërsa pritet të marrë statusin e bashkëpunëtorit. Burime të besueshme për MAPO konfirmojnë se ishte Bengasi ai që ka identifikuar edhe vëllezërit Klemend dhe Eldi Çala, ai autorë të grabitjes në pistën e Rinasit.

Bengasi ka dhënë detaje përsa i përket strukturës së grupit kriminal dhe mënyrës sesi u operua në grabitjen e shumës së konsiderueshme të parave. Bengasi ka rrëfyer me detaje se si funksiononte ky grup me personazhe nga Elbasani dhe Fushë Kruja. Ai ka pranuar ndër të tjera se është ai personi që ka modifikuar furgonin me mbishkrimin “Hetimi Tatimor” që u përdor për grabitjen e servisin e marrë me qira.