U plagos në atentat në Shkodër/ Del fotoja e Shefit të policisë Bashkiake

Shefi i Policisë Bashkiake të Malësisë së Madhe, Mentor Hasanaj pas atentatit që iu bë paraditen e sotme është transportuar drejt spitalit të Traumës në Tiranë, pasi gjendja e tij shëndetësore është shumë e rëndë.

Ngjarja ndodhi rreth orës 12:30 te Stacioni i Pompave, në Dobraç atje ku ndodhen “5 heronjtë e Vigut”. I plagosur ka mbetur Mentor Hasanaj 37-vjeç, shefi i policisë dhe babai i tij Xhelal Hasanaj 74-vjeç, ndërkohë ka shpëtuar mrekullisht e shoqja, Vjollca Hasanaj 28-vjeç.

Shërbimet e Policisë kanë ngritur pika kontrolli në akset rrugore dhe po kontrollohet zona ku dyshohet se ka lëvizur autori.

Në ndihmë të Policisë Vendore kanë shkuar edhe forcat e FNSH Shkodër ku vijon kontrolli masiv i territorit për të bërë të mundur kapjen e autorit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern