LIGJET E BIZNESIT
Admir Murataj u vra nga policia apo nga vetë grabitësit? Kjo pyetje vazhdon të mbetet pa një përgjigje zyrtare deri në momentin që nuk ka dalë ekspertiza mjeko-ligjore. Por Shemsi Prençi, një ish-zyrtar i policisë jep versionin e tij në emisionin Opinion për ngjarjen e 9 Prillit që ndodhi në Rinas.
“Unë personalisht nuk besoj që e ka ekzekutuar policia. Plaga është shumë e madhe. Ne kemi thënë që grupi i grabitësve kishte fishekë blindëshpues. Plaga që ndodhet në pjesën e djathtë të kokës është plagë shkatërruese.
Policia disponon armë që dimë ne, pistoleta dhe kallashnikov. Policia një gjë e di shumë mirë që nuk lejohet të mbajë fishekë blindëshpuese. Gjurma sipas meje mund të jetë me një plumb më të madh nga armët që përdor policia”, deklaroi Prençi.
