Qytetarët në ankth nga tërmetet/ Sizmiologu i njohur sqaron: Ja çfarë duhet të kemi parasysh

Së fundmi janë rikthyer lëkundjet sizmike në vend, dhe kjo gjë ka shtuar ankthin dhe frikën në rradhët e qytetarëve.

Pak pas mesnatës që sapo lamë pas, është ndjerë një tërmet në Gjirin e Lalzit me magnitudë 4.0 të shkallës Rihter.

Më pas ka patur edhe disa lëkundje të tjera.

Për ketë ka folur sizmiologu i njohur Rexhep Koçi.

Ky i fundit është munduar të qetësojë njerëzit duke deklaruar se nuk kemi të bëjmë me një rast për të cilin duhet të frikësohemi.

“Nuk kemi të bëjmë me një rast për të cilin duhet të frikësohemi. Si tërmeti i 26 nentorit është e kanë të natyrshme që do të shoqërohen për një periudhë të gjatë me pasgoditje kur herë pas here zona të caktuara janë riaktivizuar, siç është zona e djeshme. Pastaj ka pasur një periudhë që qetësohet, riaktivizohet por gjithmonë magnituda ka qenë 4.2- 4.3 nuk kanë qenë magnituda që të kalojnë 5 që të ketë impakt në struktura dhe ndjeshmërinë e njerëzve”, tha ai për Ora News .