Situata paraqitet tejet kritike ditët e fundit.
Nga dje deri më sot janë trefishuar urgjencat në dy spitalet COVID në vendin tonë. Ku prej nje harku brenda 24 orësh janë paraqitur 35 shtrime urgjente në spitalet që trajtojnë pacientët me virus.
Mësohet se përgjatë ditës së djeshme dhe deri sot në spitalin “Shefqet Ndroqi” janë shtruar 25 pacientë, ndërsa në Infektiv 10. Sipas mjekëve, rastet e paraqitura në urgjencë kanë qenë të rënda, çka sipas tyre ka lidhje me mosardhjen e tyre sëmurëve në spital dhe vetkurimit të tyre në shtëpi.
Kujtojmë se ditën e sotme u raportuan 162 raste të reja me COVID-19 në vendin tonë, ndërsa 4 persona humbën jetën.