Ditën e djeshme prokuroria e Tiranës ka urdhëruar arrestimin e 5 zyrtarëve të Agjencisë Kombëtare të Burimeve Natyrore.
Mbi ta rëndojnë akuzat për “mashtrim me pasoja të rënda”, “Shpërdorimi i detyrës”, “Moskryerja e detyrave nga organet tatimore”, “Mashtrimi” i kryer në bashkëpunim, “Kondrabanda me mallra për të cilat paguhet akcizë ose me pezullim të plotë ose të pjesshëm nga detyrimet doganore ose të akcizës”, “Fshehja e të ardhurave”.
Sipas informacioneve mësohet se personat e arrestuar janë:
-Denis Durrsi
-Qani Hoxhaj
-Simon Mark
-Arben Doda
-Naim Kasa
Ndërkohë mësohet se në arrest shtëpie është lënë Rezarta Sulejmani ndërsa dy persona të tjerë janë shpallur në kërkim.
Ende nuk dihet se çfarë shkeljesh konkretisht ka konkluduar prokuroria në Agjencinë Kombëtare të Burimeve Natyrore (AKBN) e cila mbron dhe administron interesat e shtetit shqiptar në fushat hidrokarbure, minerare dhe energjetike.
