A do të ketë ndryshime moti? Zbuloni si do të jetë parashikimi për ditën e sotme

Dita e sotme do të karakterizohet nga një mot kryesisht i vranët dhe me intervale kthjellimesh.

Deri në orët e pasdites do të jenë prezente reshjet e shiut të herëpashershme dhe me intensitet të ulët.

Më pas ato do të fitojnë intensitet mesatar në pjesën më të madhe të territorit të vendit.

Sipas asaj që parashikon Shërbimi Meteorologjik Ushtarak, lokalisht reshjet e shiut do jenë në formën e shtrëngatave.

Era parashikohet të jetë nga kuadrati i Jugut me shpejtësi mesatare 2-6m/sek, e cila në orët e pasdites hera-herës e vrullshme deri në 15m/sek. Temperaturat parashikohen:

zonat malore 13°C deri në 23°C

zonat e ulëta 14°C deri në 27°C

zonat bregdetare 14°C deri në 27°C.