“Sot japim zyrtarisht lajmin” Rama nuk ndalet: Ja sa do të rriten pagat e mjekëve dhe mësuesve

Gjatë konferencës së sotme me gazetarët kryeministri Edi Rama u shpreh se rritja e pagave për mjekët dhe arsimtarët do të jetë fakt i kryer.

Zyrtarisht në datë 1 janar, paga e bluzave të bardha do rritet me 40%, ndërsa e arsimtarëve me 15%.

“Sot mund të japim zyrtarisht lajmin për rritjen e pagave për të gjithë bluzat e bardha dhe arsimtarët. Janë dy kategori që meritojnë gjithmonë më shumë dhe që në këto kushte, pavarësisht të gjitha shtrëngesave të krijuara nga tërmeti dhe pandemia, kemi detyrimin që t’iu japim sot një mbështetje të fortë për të shpërblyer mundin, angazhimin me dy kategori shoqërore.

Paga për bluzat e bardha do të rritet 40%, kjo është rritja më e lartë, ndërsa paga për arsimtarët do të rritet 15%. Me një numër punonjësit në sektorin publik, që është më i vogël, sesa numri i punonjësve në sektorin publik në vitin 2013, fondi i pagave është rritur nga 450 mln dollarë në 710 mln dollarë sot, duke përfshirë edhe rritjen e sotme”, u shpreh Rama gjatë komunikimit të javës për Ekonominë.