Nuk pritej të ndodhte kaq shpejt. Presidenti i SHBA, Donald Trump i rezultuar prej ditësh me koronavirus ndodhet në qendrën spitalore të ushtrisë amerikane “Walter Reed”.
Pak më parë, mjekët të cilët po kujdesen për gjendjen e presidentit dolën në një konferencë ku lajmëruan se Trump mund të dalë nesër nga spitali.
Ekipi i mjekëve njoftoi se gjendja e tij është drejt përmirësimit. Mjeku i Shtëpisë së Bardhë Sean Conley deklaroi për mediat se presidenti është mirë, ndërsa shtoi se Trump nuk ka pasur më temperaturë që nga mëngjesi i së premtes.
Po ashtu, ekipi i mjekëve sqaruan se Trump nuk ka as probleme me frymëmarrjen dhe vijon të lëvizë nëpër ambientet e spitalit pa asnjë problem.