Në mbledhjen që zhvilloi sot në Partinë Socialiste, kryeministri Edi Rama nuk mbeti pa folur dhe rreth presidentit Ilir Meta.
Ai deklaroi se Kreu i Shtetit është zhveshur plotësisht nga roli i tij dhe është zhytur në një fushatë politike.
Sipas Ramës, Meta është borxhli më shumë nga të gjithë ndaj këtij vendi, që e ka bërë kryeministër, kryetar Kuvendi dhe President.
“Mos prisni asgjë tjetër nga Ilir Meta deri më 25 prill përveç përshkallëzimit të retorikës që na turpëron të gjithë ne. Ilir Meta është thjesht kryetari i Shtabit Elektoral të opozitës që përdor zyrën e Presidentit të Republikës. Më i mërzitur nga të gjithë është Ilir Meta. Ilir Meta i është borxhli më shumë këtij vendi. E ka bërë kryeministër, kryetar Parlamenti dhe President. Çfarë do ky njeri që nuk rri rehat. Edhe pozicioni ku qëndron është pozicion i zgjedhur për të qenë i treti i vërteti“, deklaroi Rama gjatë fjalës së tij.