Rajmonda Bulku infektohet me koronavirus dhe shtrohet me urgjence ne spital

As aktorja e mirënjohur shqiptare, Rajmonda Bulku nuk i ka shpëtuar koronavirusit. Ajo është shtruar menjëherë në spital dhe sipas informacioneve gjendja e saj paraqitet e qendrueshme.

Nndërkohë, nga të dhënat pranë ISHP-së, në 24 orët e fundit në vendin tonë rezultuan pozitivë me Covid 152 raste të reja nga 1.008 testimeve të kryera, ndërkohë që humbën betejën me virusin 3 qytetarë.
Bulku është ndër aktoret më të njohura të kinematografisë shqiptare.

Ajo e nisi rrugën e artit që kur ishte nxënëse në vitin e tretë në gjimnaz, më 1976 debutoi në filmin ‘Dimri i fundit’. Pas shkollës së mesme, nisi punën si montazhiere në Kinostudio “Shqipëria e Re” e më pas filloi studimet në Institutin e Lartë të Arteve, ku diplomohet në degën e dramës në vitin 1985.

Menjëherë pas diplomimit, Rajmonda Bulku u emërua aktore në Teatrin Kombëtar ku ka luajtur shumë role kryesore, por vlen të thuhet se famën ajo e mori përmes roleve në filma.

Me mbi 20 role në filma dhe plot të tjerë në teatër, Rajmonda Bulku është nderuar me disa çmime.
Rajmonda Bulku ndërkohë mbahet mend jo vetëm si aktore, por gjithashtu dhe si pjesë e politikës dhe lëvizjes studentore të dhjetorit ’90.