“Ka shumë ngjashmëri” Brataj shpjegon se ku dallon COVID19 nga virozat e stinës: Ja simptomat e gripit dhe ftohjes

Duke qenë se kemi hyrë zyrtarisht në stinën e vjeshtës, ekziston mundësia që koronavirusi të ngatërrohet me virozat e stinës përsa i përket simptomave.

Por ka dhe dallime midis tyre dhe në lidhje me këtë ka folur kreu i Urgjencës Kombëtare Skënder Brataj.

Ky i fundit ka renditur simptomat e gripit dhe të ftohjes në mënyrë që pacienti të bëjë dallimet me simptomat e COVID19.

POSTIMI I PLOTE:

VIROZAT, NGJASHMËRITË DHE DALLIMET MIDIS TYRE

Epidemia nga Sars-Cov2/Covid-19 vazhdon të jetë prezent prej shtatë muajsh duke u përditësuar çdo ditë mbi gjendjen e saj. Ndërkohë po mbërrijnë virozat e stinës të cilat kanë shumë ngjashmëri dhe dallime midis tyre. Për këtë arsye le të flasim se si duhet të veprojmë në rastin e shfaqjes së sëmundjeve me shkaktarët përkatës. Le të fillojmë me Ftohjen(Rrufën) që është tipike e kësaj periudhe dhe Gripin që po ashtu është drejt mbërritjes.

Për të pasur idetë e qarta le të kthjellohemi që në fillim që pika e parë është kontakti me MJEKUN. Së dyti le të shohim dallimet midis tyre për tu orientuar më shpejt se kush mund të jetë shkaktari gjendjes tonë SHËNDETËSORE. Sot po flasim për dallimet midis RRUFËS DHE GRIPIT për të vazhduar më tej me ngjashmëritë dhe dallimet midis GRIPIT DHE COVID-19. Këto ngjashmëri dhe dallime i kemi përmbledhur në tabelën e mëposhtme: