E rëndë/ Në ditën e pestë të grevës së urisë përkeqësohet gjendja e naftëtarit, dërgohet urgjent në spital

Sot naftëtarët e Ballshit kanë hyrë në ditën e pestë të grevës së urisë.

Mësohet se gjendja shëndetësore e njërit prej tyre është përkeqësuar së tepërmi.

Ai është identifikuar si Aleksandër Mejdani, të cilit i janë shfaqur probleme dhe për pasojë është dërguar urgjent në spital.

Kujtojmë se 10 naftëtarë bashkë me bashkëshortet kanë vendosur të mos ndalin derisa të zbatohet vendimi gjyqësor që detyron kompaninë të shlyejë detyrimet e prapambetura karshi tyre.

Prej shumë muajsh tashmë ata vijojnë dhe protestat pasi kanë muaj të tërë pa marrë pagat e tyre si dhe kërkojnë rifillimin e punës në këtë rafineri me kontrata të vlefshme.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Kujtojmë se greva e kaluar e urisë zgjati 12 ditë po në këto ambiente të qendrës shëndetësore pranë uzinës në Ballsh ku naftëtarët e Ballshit i morën pagat e prapambetura por mbetën sërish të papunë.