LIGJET E BIZNESIT
Një lajm tronditës vjen pak përpara zgjedhjeve elektorale në SHBA.
Mësohet se presidenti Donald Trump dhe bashkëshortja e tij Melania kanë rezultuar pozitivë me COVID19.
Këtë e ka bërë të ditur vetë numri 1 i SHBA, i cili ka dhënë lajmin në rrjetet sociale se është izoluar në karantinë së bashku me gruan.
Nga ana tjetër, dhe zëdhënësi i Shtëpisë së Bardhë Judd Deere ka pohuar për mediat se presidenti ka nisur dhe mjekimin.
“Presidenti e merr shumë seriozisht shëndetin dhe sigurinë e tij dhe të gjithë atyre që punojnë në mbështetje të tij dhe popullit Amerikan. Zyra e Operacioneve e Shtëpisë së Bardhë bashkëpunon me Mjekun e Presidentit dhe Zyrën Ushtarake të Shtëpisë së Bardhë për t’u siguruar që të gjitha planet dhe procedurat ndjekin udhëzimet e Qendrës për Kontrollin e Sëmundjeve dhe praktikat më të mira për kufizimin e ekspozimit ndaj COVID-19 në masën më të madhe të mundshme si në Shtëpinë e Bardhë ashtu edhe kur Presidenti udhëton”, tha zoti Deere.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Pak orë përpara këtij postimi, vetë Trump shkruante se këshilltarja e tij Hope Hicks kishte dalë pozitive me koronavirus dhe për rrjedhojë ai së bashku me bashkëshorten Melanian do të futeshin në karantinë.
Pak ditë më parë çifti presidencial fluturuan për në Ohio me një avion privat, së bashku me këshilltaren e tyre.
Gjendja e presidentit Donald Trump pas infektimit ende nuk dihet.
Kujtojmë se ai është në një kohë fushate, dhe ky lajm ka tronditur botën pak përpara zgjedhjeve presidenciale, të cilat do të mbahen më 2 nëntor.
Me datë 15 tetor në Miami, Trump do të zhvillojë debatin e dytë presidencial përballë Joe Biden, i cili duke parë si do të shkojë gjendja e Presidentit, mund të mbahet dhe online.
