Diktatura e egër komuniste i la pa varr/ Nisin gërmimet për gjetjen e eshtrave të zhdukura në burgun e Burrelit

Ditën e sotme kanë nisur gërmimet për eshtrat e të zhdukurve gjatë periudhës së diktaturës në zonën e njohur si “Qershia” pranë burgut të Burrelit.

Aksionin po e ndjek Task Forca e Posaçme, ndërsa lajmin për gërmimet në terren e ka dhënë kryetarja e Autoriteteve të Dosjeve të Sigurimit të Shtetit, Gentiana Sula.

Ajo ka zgjedhur të ndajë detaje të tjera në lidhje me këtë proces

Gjithashtu Sula kërkon që të afërmit që humbën të dashurit në atë vend të kenë durim dhe forcë pasi aksioni do të zgjasë.

Në pamjet e publikuar duket eskavatori duke gërmuar dheun.

“Nën udhëheqjen e Task Forcës së posaçme, po gërmohet në oborrin e Burgut të Burrelit për të gjetur gjurmë të varreve të humbur në komunizëm. Do të jete një proces shumë i gjatë, dhe mbase i pasuksesshëm në disa raste, por i domosdoshëm dhe i përgjegjshëm. I uroj familjareve kurajë, durim dhe forcë për të vënë në vend dinjitetin njerëzor të të dashurve të tyre”, ka shkruar ajo.