LIGJET E BIZNESIT
Pas takimeve me biznesmenët dhe qytetarët e Durrësit, kreu i PD Lulzim Basha i bëri thirrje kryeministrit Edi Rama që të pranonte planin me 5 pika për ngritjen e ekonomisë që u publikua nga demokratët.
Basha ka deklaruar se qytetarët dhe personeli mjekësor i infektuar me COVID19 që marrin mjekim në shtëpi duhet të kenë mbështetje financiare nga shteti.
Gjatë fjalës së tij ai shtoi se qeveria nuk duhet të humbasë, por të zbatojë planin me 5 pika, pasi xhepat e shqiptarëve janë bosh.
“Ju e dini që numri i të infektuarve po shtohet. Ftesa që kam sot nga Durrësi, jepni fund propagandës, merrni sot planin tonë me 5 pika dhe zbatojeni atë.
Ne propozojmë mbrojtje për mjekët dhe infermierët, rritje të pagave për ta dhe rimbursim të të gjthë atyre që kurohen nga shtëpia. Rimbursimit total i të sëmurve me COVID duhet të jetë hapi i parë. Paga e parë e premtuar prej 1000 euro duhet të aplikohet. Së dyti hapja e shkollave e ka rritur rrezikun e përhapjes së COVID.
Duhen maska dhe dezinfektues në shkolla, çdo fëmijë duhet të studjojë në distancë.Kalojmë tek ekonomia, xhepat e shqiptarëve janë bosh. Të gjithë ata që kanë humbur punën, duhet të marrin 160 mijë lekë në muaj në gjashtë muajt e ardhshëm. Biznesni i vogël të marrë edhe një çek në 6 muaj e ardshëm. Plani jonë me 5 pika është një plan kundër krizës dhe duhet të zbatohet menjëherë.
Së fundmi dua të them diçka, sot është data 1 tetor dhe dje me VKM janë hequr 1.8 milionë dollarë nga bujqësia dhe kanë shkuar tek inceneratorët. Kjo qeverisë duhet të ndihmojë bizneset dhe qytetarë. Por paratë hiqen në mes tës natës, hiqen nga bujqësia dhe iu çohen një grup oligarkësh. Ky është një vendim i qeverisë, siç është aferra e inceneratorëve.”, u shpreh Basha.
