LIGJET E BIZNESIT
Greqia ka marrë së fundmi një vendim të rëndësishëm përsa i përket masave anti përhapjes së COVID19.
Kështu, mësohet se së fundmi shteti fqinj ka shtyrë deri më 12 tetor masat kufizuese me Shqipërinë, Maqedoninë e Veriut dhe Turqinë.
Sipas ministrisë greke të Shëndetësisë, kufizimet e lëvizjes për shtetasit shqiptarë që nuk kanë lejeqendrimi ose dëshirojnë të udhëtojnë për qëllime turistike drejt Greqisë do të mbeten në fuqi.
Për pasojë, të drejtën për të hyrë në Greqi deri më 12 tetor e kanë vetëm shtetasit shqiptarë me leje qëndrimi, homogjenët grekë, shtetasit grekë dhe punonjësit sezonalë.
Për kalimin në kufi, mbeten kufizimet e numrit të personave që kalojnë në Kakavijë 750 dhe Kapshticë 300 persona.
Udhëtarët duhet të kenë plotësuar jo më pak se 24 orë përpara udhëtimit të tyre në vend formën PLF dhe duhet të kenë me vete test PCR negativ, jo më shumë se 72 orë më herët se udhëtimi i tyre.
Të gjithë personat që kalojnë në këto pika kufitare do të duhet të qëndrojnë karantinë për 7 ditë.
